font.is

Frá Tígur í Hlébarða — MacOS X 10.5

Tveir sætir!

Það var alveg sérdeilis vel til fundið hjá Apple að leyfa sölu á Leop­ard (frb.: lep­pard) strax að ræðu Steve Jobs lokinni. Lík­lega hefðu mátt vera til sölu fleiri diskar miðað við myn­d­ina sem birtist í Mog­ganum daginn eftir.

Ég fékk minn disk í hen­durnar um hádegið á lau­gardaginn og smellti kerfinu í fartölvuna mína. Ég tók afrit af meginsvæðunum kvöldið áður og er ekki ofbrýnt fyrir fólki að taka reglulega afrit af tölvunum sínum. Verð á aukadiskum er alltaf að verða betra og betra og með þessu nýja stýrik­erfi ætti reglu­leg afritun að verða leikur einn. Munið bara þegar þið eruð búin að tengja diskinn við í fyrsta skipti að fara í Disk Util­ity, velja diskinn og smella á Erase. Mar­gir diskar svo sem þes­sir flottu Porche LaCie diskar eru nefni­lega forsniðnir fyrir PC og það kemur í hausinn á manni fyrr eða síðar ef þetta er ekki gert.

Það væri að æra óstöðu­gan að fara í geg­num allt sem Leop­ard býður upp á fram yfir Tiger. Ker­fið er í stuttu máli meiri hát­tar skemmti­legt og nýir möguleikar eins og Spaces finnast mér æðisle­gir. Sama má segja um ýmis for­rit sem Apple uppfærði í leiðinni eins og t.d. Mail — það er orðið miklu betra.

Samt er ekki hægt að horfa fram hjá því að ýmis­legt smá vesen fyl­gir með. Sumt af því er af því að aðrir for­ritafram­leiðen­dur eru ekki búnir að aðlaga for­ritin sín að fullu og ein­hver­jir hnökrar eru líka í Leop­ard sjál­fum. Ég er enn að vinna í sumu af þessu og er að reyna að sjá hvar Leop­ard á sök­ina og hvar eit­th­vað annað for­rit eða þá þau saman. En mér finnst þetta vesen ekkert sérstak­lega leiðin­legt ef ég á að segja eins og er.

Þrátt fyrir þetta er ker­fið vel starfhæft og gott betur og er ég síst að reyna að fæla nokkurn frá því að smella sér í dansinn.

Eitt af því fyrsta sem ég sá eftir að ég uppfærði var að Leop­ard var búinn að henda út öllum pren­tu­rum. Sen­ni­lega er þetta með vilja gert því mér skilst að þetta gerist sama hvaða aðferð er notuð vð innset­ninguna. Fyrir flesta er þetta minnsta mál, einn prentari set­tur inn aftur og búið mál.

Fyrir mig verður þetta að stór­máli. 30 tölvur sem hver og ein er með tengd við þrjá ólíka prentara og það sem er verst er að Leop­ard hendir líka út PDF rek­lunum (dri­vers) frá Adobe, sem for­rit svo sem InDe­sign og fleiri styð­jast mikið við. Fjórum sin­num þrjátíu eru hun­drað og tut­tugu! Þá er bara að finna ein­hverja flýtileið.

En hvernig á að koma þessu í lag aftur? Ég geri ráð fyrir að þeir sem lenda í þessu séu með annað hvort Acro­bat 7 eða 8 á tölvunum sínum.

• Fyrst er farið í Sys­tem Pref­er­ences og þar í Print & Fax.
• Smellt á + táknið eins og til að bæta við prentara.
• Skri­faðu Adobe í leitar­re­itinn uppi til hægri ef Adobe kemur ekki fram fljótlega.
• Þegar Adobe PDF 8.0 er komið inn í lis­tann er sú lína valin og nafnið birtist í Name: reitinn.
• Print Using: hnap­purinn neðsti: styðja á hann og velja: Select a Dri­ver to use…
• Nú birtist annar leitar­re­itur og í hann skri­far maður: Adobe.
• Við þetta ætti rekillinn að bir­tast Adobe PDF 3016.102, hann er valinn og þá ætti þetta að vera komið.