Archived entries for
Leikið með letur
Flott meðferð á letri er út um allt á netinu. Málið er bara að finna það.
Það kostar mikla yfirlegu að finna góða staði og oft er kannski bara um að ræða einn hlut af mörgum á síðu sem er góður.
Þess vegna er alltaf fengur í því þegar einhver tekur saman yfirlit yfir það sem hann hefur rekist á og sýnir á sínum vef ásamt tenglum að verkinu. Hérna er skemmtileg samantekt á ýmsu sem hefur birst nýlega. Þó nokkuð af þessu er sótt á devianart.com þar sem margir nota til að koma sér á framfæri.
Hvaða letur ert þú?
Ef ekki væri öll þessi sósíal medía veit ég ekki hvað ættum að gera af okkur. Facebook, Twitter og allt það dót. Alltaf verið að benda manni á eitthvað sniðugt sem maður getur eytt tímanum í.
Hérna er eitt af þessum persónuleikaprófum sem mér finnst náttúrulega alveg sjálfsagt að allir taki: What font are you?
Hafa ber í huga að maður á bara að svara því sem líkist helst því svari sem maður vill gefa. Svona stemmnings–svar.
Ég veit ekki af hverju stendur Helvetica efst yfir prófinu (vonandi fá ekki allir sama svar) en ég endaði með því að fá það svar að ég væri Helvetica. „You’re like and industry standard. Classic. Reliable. Okay, maybe a bit boring. But you don’t let the haters get you down–after all, you’ve still got plenty of friends who think you’re the best“. Jæja, þá vitum við það!
FontExplorer X Pro
FontExplorer X Pro leturstjórnarforritið er komið út.
Slæmu fréttirnar eru að forritið er ekki lengur ókeypis. Það er á tilboði á 39 evrur út febrúar en hækkar þá í einar 79 evrur. Hægt er að prófa það í 30 daga áður en keypt er. Ég mæli með að ef einhver sem er með eldri útgáfuna taki afrit af letursafninu í User/FontExplorerX, því það er aðlagað að nýju útgáfunni. Ef síðan er hætt við kaupin er vissara að hafa gamla safnið við hendina.
2009 : Gleðilegt nýtt ár
Ég óska öllum gleðilegs nýs árs og farsældar. Takk fyrir allt gamalt og gott.
