Sú var tíðin að ég var með að jafnaði milli tvö og þrjúhundruð skjöl á skjáborðinu hjá mér. Þetta var þegar kerfi 9 var upp á sitt besta. Þegar tían mætti á staðinn vandi ég mig af þessu og skipulagið er í heldur skárra ástandi í dag.
Reglur eru til þess að brjóta þær segja margir. Ég get svo sem alveg tekið undir það — upp að vissu marki í það minnsta. En stundum þegar maður sér reglur brotnar í leturmeðferð fær maður sterklega á tilfinninguna að sá sem braut reglurnar viti ekki hverjar þær eru.
Löng bið er loksins á enda: Fontographer 4.7 er kominn út. Nú er loksins hægt að nota það án þess að ræsa upp Classic. Fontographer hefur verið langmest notaða forritið til leturhönnunar á mökkum. Þótt FontLab hafi tekið við þessu hlutverki af Fontographer hafa margir saknað einfaldleikans sem Fontographer býður upp á. Fontographer var upphaflega skrifað af Altsys, þeim sömu og bjuggu til FreeHand. Teiknun í forritinu í vector hefur alltaf verið svipuð og var í Freehand 3.
InDesign getur opnað Quark skjöl og vistað þau í sitt eigið snið. Þessi viðsnúningur er furðu góður en gallinn er sá að Quark skjalið þarf að vera vistað sem Quark 4 skjal. Þetta þýðir að ef skjal sem á að færa yfir er unnið í Quark 6 þarf fyrst að vista sem Quark 5 skjal, opna Quark 5 forritið og vista svo niður sem Quark 4. Þetta er frekar leiðinleg leið en ef fólk þarf oft að gera þetta munu menn væntanlega koma sér upp uppsetningu þannig að Quark 5 sé inni á vélinni tilbúið til notkunar.
Það er alltaf fengur í því að fá ábendningar um góðar viðbætur með forritum. Ég fékk eina slíka um síðustu helgi. Það er langþráð íslensk orðskiptiviðbót, InDihyph fyrir InDesign og einnig íslensk stafsetningarviðbót InDitect.
Einn stærsti kosturinn við Tiger finnst mér vera Spotlight. Spotlight skannar alla diska sem tengdir eru við tölvuna einu sinni og endurnýjar svo listann daglega. Ekki er nóg með að listinn innihaldi skjalanöfn, heldur innihald skjala líka hvort heldur sem er í pósti eða pdf skjölum. Þannig fást víðáttumiklar upplýsingar um innihald tölvunnar órtúlega möguleika til þess að gramsa auðveldlega í þeim.
Jack of all trades, master of none, though ofttimes better than master of one
Enter the query to search and hit enter.
Copyright © 2004–2009. All rights reserved.
RSS Feed. This blog is proudly powered by Wordpress and uses Modern Clix, a theme by Rodrigo Galindez.