Linotype FontExplorerX (FEX) komið út
Það fer líklega ekki framhjá neinum sem hefur lesið pistlana mína að ég er mjög hallur undir FontExplorerX frá Linotype. Undanfarna mánuði hefur verið í gangi svokallað Public Beta, það er, öllum leyft að ná sér í forritið á þróunarstigi. Önnur forrit eins og til dæmis Suitcase Fusion bjóða upp á aðra eða fleiri möguleika en FEX er með allt sem maður þarf og gott betur. Á móti kemur að FEX er ókeypis en Fusion kostar í kringum hundrað dollara. Ég er búinn að setja forritið á fimmtán tölvur eða meira og það slær ekki feilpúst.
Í dag kom svo FontExplorerX út í lokaútgáfu og hægt er að nálgast það á linotype.com Nokkru hefur enn verið bætt inn í forritið og smávillur lagfærðar.
Mjög góðar leiðbeiningar eru í Help og útskýra þær flest ef ekki allt sem fyrir finnst í stillingahluta forritsins. Ég var búinn að skrifa leiðbeiningar áður um hvernig skal bera sig við að koma forritinu inn. Mér sýnist í fljótu bragði að allt standi sem þar er skrifað en það gæti þó verið að ég bæti við einhverju síðar. Það sem mér finnst vanta helst er að útlista verklag í þessu forriti eins og í svo mörgum öðrum. Sjáum til.
Related posts:
Alltaf vantað þetta í dagatalið. Takk kærlega
